Dili – Tribunal Distrital Dili aplika, medida koasaun termu identidade residensia – TIR ba arguidu nain tolu, tanba iha indisius ba kazu trafiku humanu.
Julgamentu primeira interogatoriu iha Tribunal Distrital Dili, hala’o iha dominggo fim de semana.
Advogado privadu, Pedro Aparicio esplika, arguido nain tolu ne’ebe kumpre medida koasaun, termu identidade rezidensia, labele halo viajen ba estrangeiro no muda hela fatin durante loron 15.
Advogadu privadu, Pedro Aparicio husu ba sidadaun hotu, tenke kumpre regra husi ajensia antes ba servisu iha estranjeiru.
Arguidu nain tolu polisia sientifika investigasaun kriminal, kaptura iha kinta-feira liuba, bazeia ba mandadu detensaun hosi ministeriu publiku, tanba deskonfia arguidu sira komete kazu trafiku humanu no krime organizadu.
Julgamentu primeiru interogatoriu ne’e, prezide husi juis singular Antonio Carmona, ministeriu públiku representa husi Domingos Goveia, defensor públiku reprezenta husi Humberto Alves no arguidu sira hetan asistensia legal husi advogado privado Pedro Aparicio.
(Juvenal/Marques/Siso)
