Dili – Saude municipiu Dili komfirma, sei solusiona preokupasaun sentru saude no postu saude konaba falta livrinho ba inan isin rua.
Diretora saude municipiu Dili, Agustinha Seguradu hateten, falta livrinho difikulta atividades atendimentu inan isin rua no bebe sira ne’ebe halo tratamentu iha fasilidade saude.
Agustinha Segurado afirma, saude municipiu Dili submete ona pedidu ba ministeriu saude hodi produs livrinho.
Antes ne’e, iha postu saude no sentru saude sira iha Dili laran, la iha livrinho maibe, inan isin-rua utiliza kadernu hodi hakerek dadus.
(Sergio/Siso)
