Dili – Ministeriu interior kompremete, sei mellora ekipamentu no infraestrutura, hodi kombate krime kontra bandu, iha fronteira.
Asuntu ne’e, hato’o vice ministru interiror, Antonio Armindo, hafoin abertura seminariu nasional ho tema “perspektiva seguransa fronteira iha futuru” iha salaun maubara room timor plaza, segunda feira ne’e.
Governante ne’e hateten, ministeriu interior hahu hadia infraestrutura, ekipamentu, no rekursus humanus ba unidade patruilamentu fronteira, hodi kombate krime kontra bandu.
Komandante jeral PNTL, komisariu polisia, Faustino Da Costa argumenta, aktividade ilísitu iha fronteira akontese tanba komunidade sira iha fronteira hela do’ok husi merkado.
Komandante unidade patruilamentu fronteira, superintendente Euclides Belo deklara, rekursu iha unidade patruilamentu fronteira la sufisiente atu asegura linha fronteirisu.
Dadaun ne’e, ministeriu interior ho komandu jeral PNTL konstrui ona postu unidade polisia frotneria – UPF ruanulu resin lima iha fronteira terrestre, hodi kombate merkadoria no movimentu ilegal iha linha fronteira.
(Juvenal/Marqeus/Siso)
