Dili – Bankada KHUNTO parlamentar husu ministerio justisa produs lei komplementar hodi garante títulu rai kada sidadaun.
Deputado Antonio Verdial hateten iha plenaria, investidor internasional barak seidauk investe iha Timor tanba estatutu rai la klaru.
Deputado ne’e husu ba orgaun ezekutivo atu kria tan lei komplementares sai referensia juridika atu garante investidor nia tividade iha Timor-Leste.
Iha fatin hanesan, deputado bankada FRETILIN Marito Mota husu governu atu defini lolos estatutu rai iha área Cristu Rei, tamba sidaduan barak hahu okupa, hodi taka dalan ba dezemvolvimentu sítio turistíku iha dolok oan.
Entretanto; lei ba rai aprova ona husi deputado sira, iha terseira lejislatura no promulga husi Presidente Republika Francisco Guterres Lu-Olo.
(Enty/Alau/Siso)
