Dili – Parlamentu nasional husu inan aman, atu fo tempo ba labarik sira goja direito halimar no livre husi servisu todan.
Iha ambitu komemorasaun loron mundial ba labarik sira, xefe bankada KHUNTO deputada, Olinda Guterres hateten, inan aman no sosiedade tomak presija kuidado labarik sira hodi hetan edukasaun ne’ebe diak, tanba labarik mak Timor-Leste nia futuru.
Deputada bankada PD, Elvina Sousa De Carvalho afirma, loron mundial labarik ne’e, hanesan refleksaun ida ba governante ho entidades relevantes sira atu kria politika ne’ebe diak hodi proteje direto labarik.
Xefe bankada CNRT deputado Duarte Nune’es isiste ba governu, prepara kondisaun diak ba labarik sira.
Entretantu, parlamentu nasional liu husi komisaun espesializadas ba asunto saude, inklusaun sosial no seguransa sosial prepara ona projetu lei protesaun labarik no joven iha perigo atu debate iha final global.
Projetu lei ne’e deputado sira inisia atu hodi proteje direito labarik no joven iha perigo, tamba durante ne’e dados hatudo katak, labarik barak sei servisu ho forsado inklui inan aman la tau matan ba oan sira.
(Alau/Siso)
