Dili – Konsellu ministru aprova regula kompetensia autoriza realizasaun despeza husi servisu entidade husi setor públiku administrativu nian.
Iha palasio do governu, konsellu ministru ordinaria aprova ona projeto dekreto lei ida, no projetu dekreto governu rua, iha ambitu husi lei enkuadramentu ba orsamentu jeral estadu no ba jestaun finanseira públika nian ne’ebe aprezenta husi ministru finasas Rui Gomes.
Portavoz governu Fidelis Leite Magalhães esplika, dekreto lei ne’ebe aprova mak entidades setor administrasaun públiku hotu autoriza ministru sira iha kompetensia ba realizasaun despeza to’o ho osan miliaun sanulu.
Enquanto; orgaun, no diresaun sira husi presidensia repúblika, parlamentu nacional, no municipiu sira iha kompetensia atu autoriza realiza despeza, la hare’e ba ninia valor.
Maibe ba iha rejiaun adminsitrativa Especial Oecusse Ambeno, iha nia orgaun deliberativu rasik mak iha kompetensia atu fo autorizasaun ba despeza ho valor dolares amerikanu miliaun 10 ba leten.
(Domingos/Siso)
