Dili – Konsellu ministru aprova ona proposta lei alterasaun dahuluk lei númeru 1/2022 loron 3 fulan janeiro orsamentu jeral estadu tinan 2022.
Ho lei ne’ebe governu aprova ona sei iha orsamentu ratifikativu ba orsamentu jeral estadu tinan 2022 ne’ebe dadaun ne’e vigor hela hodi financia medidas governu nian.
Ministru presidencia konsellu ministru Fidelis Leite Magalhaens konfirma, ho orsamentu ne’ebe impoin iha orsamentu ratifikativu hodi financia programa preoridade ne’ebe governu trasa ona.
Medidas ne’ebe governu atu implementa iha orsamentu ratifikativu maka hanesan atribuisaun desimu terseiru ba kada familia, projeitu uma kbi’it laek, bolsu estudu ba melhor graduadu ensinu basiku no sekundariu.
Alemde ne’e mos, kriasaun fundu veteranus, programa maun de obra ba postu sira, hari sede artemarciais no ritual, programa ensinu distancia, eskola iha uma, internet gratuita iha eskola sira, empregu ba melor alunu universitariu sira.
Inklui mos estabelesimentu sekretariu ba asunto trabalhador esterior no komunidade timor oan iha diaspora, revitaliza kafe no subsidiu ba cafe laku ten, subsidiu akomodasaun ba PNTL no F.FDTL.
(Domingos/Siso)
