Dili – Governu preve osan adisional dolar amerikanu rihun atus rua resin ba konstrusaun quartel jeral PNTL kaikoli Dili.
Tanba antes ne’e, governu preve ona osan hamutuk milaun sanulu resin ba konstrusaun kuartel.
Vice ministru Antonio Armindo justifika, orsamento adisional ne’e aumenta tanba iha mudansa iha dezenho konstrusaun nian.
Antes ne’e, konsellu ministru aprova ona alterasaun kontratu ba konstrusaun foun kuartel-jerál polísia nasionál timor leste – PNTL, aprezenta husi sekretáriu estadu protesaun sivil, Joaquim José Gusmão.
Iha parte seluk, komandu jeral PNTL selu ona osan milaun rua ba kompaña hodi kontinua konstrusaun ba kuartel jeral PNTL foun.
Konstrusaun kuartel jeral PNTL foun, sei konstrui husi kompaña konstrutora Shanghai Konstruktion Group husi xina ho osan Milaun Sanulu Resin ho durasaun servisu tinan rua.
(Domingos/Siso)
