Dili – Governu aprova milaun ida resin ba seremonia investidura ba prezidente eleitu Jose Ramos Horta.
Ministru administrasaun estatal Miguel Pereira De Carvalho konsidera, orsamentu ne’ebe governu prepara ba seremonia investidura kiik liu, kompara ho seremonia investidura tinan 2012.
Governante ne’e konfirma, prezidente parlamentu nasional no primeiru ministru mak sei hasai karta konvite ba sira nia omologu hodi partisipa.
Seremonia investidura ba prezidente eleitu sei halao iha loron sanulu resin sia kalan oras zero-zero, iha tasi tolu perante orgaun soberania no publiku.
Dau-daun ne’e, ekipa susesu husi kandidatu hamutuk ho komisaun organizadora ba seremonia refere hala’o hela servisu harii tenda no atinji ona porsentu tolu nulu.
(Manuel/Siso)
