Dili – Unidade apoiu servisu FALINTIL forsa defeza Timor-Leste fasilita treinamentu kondutores ba ezercitu militar nain tolunulu inklui feto nain rua.
Representante xefe estadu maior F-FDTL, tenente koronel Armindo Nunes hateten, unidade apoiu servisu iha transporte barak, maibe menus kondutores.
Tenente koronel Armindo Nunes argumenta, treinamentu ne’e sei fahe ba parte tolu hanesan treinamentu baziku fulan tolu, treinamentu avansadu fulan tolu no pratika fulan tolu.
Segundu komandante unidade apoiu servisu, tenente koronel Deolindo Da Costa Amaral“Sarai” reforsa, treinamentu ne’e realiza bazeia ba orientasaun no despaisu husi xefe estadu maior jeneral forsa armada, komodoro Donaciano Costa Gomes “Pedro Klamar Fuik”.
Komandu F-FDTL mos propoin atu envolve militar feto sira iha treinamentu, hodi ajuda konduz transporte bainhira komandu presiza.
Enquantu, instrutores ba treinamentu kondutores, e mai husi unidade apoiu servisu no sei hetan sertifikasaun husi sentru instrusaun Nicolao Lobato.
(Juvenal/Alau)
