Magazine RádiuNotisiasTetum

TR- Anunsia Ona Numero Sorteiu Ba Kandidatura Pr Sira

Dili – Tribunal rekursu anunsia númeru sorteiu ba kandidatu prezidente republika nain 16 neébe admitidu no kandidatu luis tilman eliminadu.

Prezidente tribunal rekursu Deolindo Dos Santos komfirma, rezultadu sorteiu sei hatoó ba sekretariadu tekniku administrasaun eleitoral, no komisaun nasional eleisaun, hodi prosesu ba oin.

Diretor jeral STAE Acilino Manuel Branco sei bolu kandidatu hotu, atu ba stae hodi aprezenta fiskais no seluk tan.

Kandidatu independente Virgilio Guterres relata, nia aktividade primeira kampaña eleitóral sei hahuú iha oe-cuse.

Kandidatu ho númeru sorteio ida maka Isabel Ferreira, númeru rua okupa husi Hermes Da Rosa Correia Barros, númeru tolu Maria Angela Freitas Da Silva, kandidatu Rogerio Tiago Lobato ho númeru sorteiu hat, Anacleto Bento Ferreira númeru sorteiu lima.

Númeru sorteiu neen husi re-kandidatura Francisco Guterres Lu-Olo, Maria Helena Lopes De Jesus Pires númeru 7, Lere Anan Timur okupa númeru ualu, númeru sia mai husi Aramanda Berta Dos Santos, Antero Bendito Da Silva ho númeru sorteiu 10.

Kandidatu ho númeru sorteiu 11 Contancio Pinto, sanulu resin rua Virgilio Da Silva Guterres, sanulu resin tolu Martinho Jermano Da Silva Gusmão, númeru sorteiu 14 okupa husi Jose Ramos Horta, felisberto araújo duarte okupa númeru 15 no Mariano Assanami Sabino okupa númeru 16.

(Cipri/Siso)

Show More

Related Articles

Leave a Reply

Your email address will not be published.

Back to top button