DILI – Reitor UNTL husu povu Timor-Leste, atu relembra, funu nain sira nia luta, iha komemorasaun konsulta popular ba dala 23, iha tinan ne’e.
Reitor universidade Timor Lorosae, João Martins hato’o asuntu ne’e, bainhira partisipa seminariu nasional hodi prepara ba komemorasaun loron konsulta popular ba dala 23, ne’ebe organiza husi departementu siénsia politika UNTL.
Reitor UNTL João Martins haktuir, seminariu nasional nee atu motiva estudante sira iha area edukasaun, hodi kontribui ba dezenvolvimentu nasaun Timor-Leste iha futuru ida diak liu.
Vice primeiru ministru José Maria Dos Reis esplika, Timor–Leste iha nia rejime konstituisional, hodi tau prioridade ba povu nia moris tamba iha independensia Timor nian hetan votus husi povu.
Seminario nasional ne’e, hala’o durante loron ida ho nia tema, a unifikasaun de uma nova forsa maior, para konkistar o bem estar, da sosiedade livre, justa e próspera.
(Ancha/Merry/Siso)
