Magazine RádiuNotisiasTetum

PSIK Kaptura Suspeitu Trafiku Humanu Nain Tolu

Dili – Polísia sientifika investigasaun kriminal-PSIK kaptura suspeitu trafiku humanu nain 3, iha area benfika, aimutin no Bebonuk.

Adjuntu diretor nasional PSIK, Adino Nunes Cabral liu husi konferensia imprensa hateten, supeitu sira polisia kaptura tamba ezekuta mandadu detensaun no mandadu buska domisiliariu aprensaun tolu, husi tribunal distrital dili ho numeru nuk, 0248/22/PSIK.

Suspeitu sira deskonfia komete kazu krimi trafiku humanu no krimi organizadu.

Suspeitu hirak ne’e, ho naran inisial hanesan MVT kaptura iha area benfika, HDS iha aimutin no jg iha faularan Bebonuk.

Adino Nunes Cabral hateten, PSIK sei kontinua halo kontaktu ho servisu interpol hodi lori fila sidadaun feto timor oan nain hitu ne’ebe dadaun ne’e hela iha abuday.

Durante buska PSIK mos prende evidensia sira iha sede ajensia ida area kampun baru mak hanesan, komputador inklui dokumentus no passaporte.

Dadaun ne’e, suspeitu sira kontinua detein iha sela detensaun psik durante oras 72 hafoin intrega ba primeiru interogatoriu iha tribunal distrital Dili.

(Juvenal/Marques/Siso)

Show More

Related Articles

Back to top button
error: !