Magazine RádiuNotisiasTetum

PR Reuniaun Ho PPN Antes Ba Jakarta


Dili – Prezidente republik, husu ba prezidente parlamentu nasional, atu atualija akordu ne’ebé antes ne’e selebra ona ho governu republika Indonézia.

Pedidu xefe estadu, Jose Ramos Horta, hafoin sorumutu ho prezidente parlamentu nasional Aniceto Guterres Lopes, antes xefe órgaun lejislativu ne’e hala’o viajen ba Jakarta.

Xefe estadu konfirma, iha viajen ne’e prezidente parlamentu nasional sei atualija fali akordu ne’ebe estadu Timor-Leste halo ho Indonesia, iha xefe estadu nia vizita hasoru prezidente indonesia Jokowidodo foin la-lais ne’e.

Prezidente parlamentu nasional, Aniceto Guterres relata, nia parte mak halo pedidu reuniaun ho xefe estadu hodi husu opiniaun ba asuntu ne’ebe sei koalia ho prezidente parlamentu indonesia ninian.

Prezidente parlamentu nasional, Aniceto Guterres Lopes ho ninia delegasaun sei halo viajen ba Jakarta sesta feira aban, hasoru prezidente parlamentu republika Indonesia ninian.

Iha parte seluk, xefe estadu observa mos kondisaun edifisiu iha resintu uma fukun parlamentu nasional, liu-liu sala ba kada komisaun, bankada, biblioteka, uma komunikasaun no seluk tan.

(Bitu/Alau/Siso)

Show More

Related Articles

Leave a Reply

Your email address will not be published.

Back to top button
error: !