Dili – Prezidensia republika preve orsamentu milaun sanulu resin rua ba atividade prezidente republika durante tinan ida.
Xefe kasa sivil prezidensia republika, Bendito Freitas halo audensia ho komisaun a parlamentar hodi diskute konaba orsamentu ba gabinete prezidente republika.
Bendito Freitas informa, orsamentu milaun sanulu resin rua ho balun ne’e, sei foka ba planu prioridade lima ne’ebe deskreve ona.
Xefe casa sivil Bendito Freitas komfirma, konaba servisu relasaun internasional sei preve milaun ida.
Sorin seluk, prezidente komisaun nasional eleisaun Jose Agostinho Da Costa Belo komfirma, komisaun nasional eleisaun, preve orsamentu milaun sanulu ba tinan 2023.
Entretantu, orsamentu geral estadu ne’ebe governu aprova iha konsellu ministru hamutuk billaun tolu, pontu ida dolar amerikano.
(Manuel/Alau)
