Dili – Prezidente parlamentu nasional la simu delegasaun kompetensia husi prezidente republika Ramos Horta, hodi hala’o funsaun hanesan xefe estadu.
Xefe orgaun lejislativu Aniceto Guterres Lopes informa, nia parte la simu kompetensia ruma husi xefe estadu, durante xefe estadu halo vizita estadu ba Indonesia.
Tuir xefe órgaun lejislativu ne’e, prezidente republika delega ninia kompetensia bainhira hala’o viajen privadu no asuntu estadu ne’ebé liu loron sanulu resin lima.
Iha segunda feira ne’e, prezidente repúblika Jose Ramos Horta ho ninia delegasaun ne’ebé kompostu husi governante no deputadu balun, hala’o vizita estadu ba Kupang, Nusa Tengara Timur, Indonesia, hodi hatan karta husi prezidente republika Indonesia Joko Widodo.
(Bitu/Tomas/Siso)
