Dili – Prezidente republika, apoia ministeriu publiku nai inisiativa ba kriasaun lei rekuperasaun kombate korupsaun.
Prezidente republika José Ramos Horta, hatoo prontidaun ne’e hafoin partisipa konferensia internasional kona-ba rekuperasaun ativu no kombate korupsaun, iha Suai room Timor Plaza-Dili.
Xefe estadu argumenta, kriasaun lei bele rekupera prezuiju estadu husi aktu korupsaun.
Prezidente tribunal rekursu Deolindo Dos Santos hatete, kriasaun eli nudar inisiativa husi governu no parlamentu nasional, hodi kombate korupsaun.
Iha fatin hanesan, prezidente parlamentu nasional Aniceto Guterres Lopes argumenta, kona-ba materia rekuperasaun ativu no kombate korupsaun liu husi krime konexu ne’e tenke mai husi ezekutivu, hodi evita fallansu no frakeza.
Konferensia internasional ne’e, hala’o loron rua hetan apoiu husi estadu korea du sul, nasoens unidas no partisipa husi komisi anti korupsi no entidade sira seluk.
(Bitu/Siso)
