Dili – Komandu jeral PNTL garante seguransa ba konsertu muzika ne’ebé sei realiza iha Tasi Tolu Dili, iha tersa feira semana oin.
Komandante komandu operasaun nacional, superintendente xefe Pedro Belo hateten, konsertu muzika refere sei partesipa husi artista Indonesia jamrud no artista nasional sira.
Tamba ne’e, komandu operasaun nasional garante aktividade konsertu refere lao ho hakmatek iha paz no estabilidade nia laran.
Superintendente xefe Pedro Belo argumenta, komandu operasaun nasional mos apresenta ona planu operasaun natal ho tinan foun nia ba komandante munisipiu no unidade sira.
Foin lalais ne’e, komandu jeral PNTL hasai ona diretiva operasaun ida ba komandante munisipiu no unidade sira, hodi kontrola no atua sidadaun sira ne’ebe fan no sunu fugetes arbiru.
(Juvenal/Siso)
