Dili – Komandu polisia munisipiu Dili kaptura membru organizasaun arte marsiais PSHT nain ruanulu resin neen iha area Bekusse.
Komandante polisia munisipiu Dili, superintendente xefe, Henrique Da Costa informa, polisia halo atuasaun ba membru arte marsiais hirak ne’e, tamba viola regras ne’ebe lider organizasaun sira fo sai ona hodi bandu atu labele halao atkvidade treinu iha tempu kalan.
Hafoin kaptura ekipa lori kedas ba eskuadra kristu rei hodi halo identifikasaun durante oras balun nia laran hafoin liberta.
Durante operasaun, polisia nafatin halo atuasaun ba membru organizasaun arte marsiais ne’ebe la kumpri ba regras ka orientasaun ne’ebe lider organizasaun arte marsiais sira fo sai.
Dadaun ne’e, komandu polisia munisipiu Dili nafatin hetan apoiu husi unidade espesial polisia, unidade polisia maritima no unidade patruilamentu fronteira hodi halo patruilamentu lao ain tama sai bairu iha kapital Dili, hodi kombate kriminalidade.
(Juvenal/Alau)
