Dili – Parlamentu nasional husu ba governu, hadia sistema protokolu, hodi kordena ho orgaun soberanu sira.
Deputada bancada partidu libertasaun popular-PLP, Domingas Dos Santos hateten, servisu protokolu atu la’o di’ak tenke servisu hamutuk ho orgaun soberanu sira hodi atende seremonia importante sira.
Deputada Domingas Dos Santos observa, durante vizita xefe estado, Jose Ramos Horta ba Indonesia, protokolu sira, la tau importansia ba deputado sira, maske deputado sira representa segundo orgaun soberano parlamentu nasional.
Iha parte seluk deputada Olinda Guterres questiona kapasidade ministerio relevante tamba la konsegue organiza membro parlamentu nasional sira ho dignu.
Secretario estado komunikasaun sosial Mericio, Juvinal Akara kompromete, sei hadia faillansu sira nebe, ministerio negosio estranjeiro komete.
Iha vizita presidente republika, Jose Ramos ba Indonesia, parlamentu nasional delega deputado nain lima hodi akompaña vizita presidente ba Indonesia.
(Alau/Bitu/Siso)
