Dili – Primeiru-ministru Taur Matan Ruak lansa ona fatuk dahuluk ba inisiasaun konstrusaun institutu politékniku betano-IPB iha municipiu Manufahi, segunda-feira horiseik.
Projeitu konstrusaun ba obra ne’e responsabiliza husi kompañia internasionál Xina Chongqing ho osan miliaun tolu, atus sia, nen nulu resin ida.
Komunikadu imprensa ne’e RTTL asesu iha gabinete primeiru ministru Taur Matan Ruak iha palaciu do governu Dili iha tersa-feira ohin.
Iha komunikadu nee sita, prmeiru ministru, Taur Matan Ruak konsidera, konstrusaun institutu politeknika Betano, nu’udar planu dezenvolvimentu integradu ne’ebé hatuur iha planu estratéjiku dezenvolvimentu nasionál 2011-2030.
Xefe governu fundamenta, sistema edukasaun nu’udar preparasaun ba rekursu umanus liuliu iha área tékniku espesializadu no kualifikadu hodi hatán ba ezijénsia mundu ohin loron nian.
Entertantu; konstrusaun institutu politékniku Betano-IPB lansa iha segunda-feira horiseik, husi primeiru ministru Taur Matan Ruak, akompana husi vise primeira-ministra Armanda Berta Dos Santos no ministru ensinu superiór siénsia no kultura, Longuinhos Dos Santos, sekretáriu estadu ambiente Demétrio Do Amaral De Carvalho no autoridade munisipál munisípiu Manufahi.
(Domingos/Alau)
