Dili – Polisia sientifika investigasaun kriminal submete ona rezultadu autopsia mate isin Amu Abito Jose Casimiro Brites ba ministeriu publiku.
Portavoz PCIC, Octavio Da Costa Araujo hateten, rezutadu autopsia PCIC simu ona husi mediku no ekipa forensik óspital nasional hodi haruka ba ministeriu públiku atu kontinua halo inkeretu.
Maibe, portavoz pcic ne’e la fo sai klaru konaba rezultadu autopsia husi Amu Abito Jose Casimiro Brites tamba ligadu ho segredu justisa .
Dadaun ne’e, polisia sientifika investigasaun krimina-PCIC hein hela delegasaun kompetensia husi ministeriu publiku.
Kazu ne’e, akontese iha loron 22 fulan agustu tinan ne’e, iha area dare postu administrativu vera kruz munisipiu Dili, bainhira matebian Amu Abito Jose Casimiro Brites fila husi viajem ida ba iha Dare.
(Juvenal/Siso)
