Magazine RádiuNotisiasTetum

PCIC Identifika Reitor UNPAZ


Dili – Polisia sientifika investigasaun kriminal ka PSIK, halo identifikasaun ba reitor UNPAZ, tanba deskonfia envolve iha kazu foti fatuk-lulik, iha uma-lisan blehitu ble lelo, Hatu-Builico.

Polísia sientífika investigasaun kriminál-PCIC bolu reitór UNPAZ, Adolmando Soares Amaral hodi fó deklarasaun, segunda-feira horseik, relasiona ho keixa ne’ebé família uma-lisan blehitu ble lelo hato’o ba PCIC.

Hafoin remata prosesu identifikasaun, Adolmando Soares Amaral, deskute malu ho jerasaun uma-lisan, maibé PCIC hakalma hikas situasaun refere.

Jerasaun uma lisan blehitu ble lelo deskonfia Adolmandu Soares Amaral, atual reitor UNPAZ mak foti fatuk lulik tanba hala’o vizita ba fatuk lulik refere iha fulan kotuk.

Entretantu informasaun ne’ebé RTTL asesu katak, antes ne’e reitór UNPAZ ba ho ema na’in sanulu resin ualu, hodi ba vijita uma-lisan blehitu be lelo.

Bainhira ekipa ne’e fila, jerasaun uma-lisan nian ba haree fali fatuk-lulik ne’ebé rai iha uma ne’e lakon, nune’e sira deside hato’o keixa ba polísia.

Fatuk-lulik ne’e jerasaun uma-lisan blehitu ble lelo konsidera hanesan sagradu hodi adora kada tinan no husu udan-been no seluk tan.

(Juvenal/Siso)

Show More

Related Articles

Leave a Reply

Your email address will not be published.

Back to top button
error: !