Dili – Parlamento nasional simu ona mensajen husi prezidente republika kona-ba, veto lei responsabilidade prezidente republika, hafoin tribunal rekursu pronunsia inkonstitusional.
Dokumento ne’e, parlamento nasional simu husi tribunal rekursu, hafoin pronunsia inkonstitusional.
Hafoin simu dokumento ne’e, parlamento nasional sei iha tempu loron sia nulu hodi hadi’a, antes haruka fali ba prezidente republika hodi promulga ka veta.
Mensajen xefe estado ne’e, transmite husi, prezidente parlamento nasional, Aniceto Guterres Lopes, iha plenaria, iha segunda-feira ohin.
Antes ne’e, prezidente republika, veto lei responsabilidade prezidente republika, hafoin tribunal rekursu pronunsia inkonstitusional.
Lei responsabilidade prezidente republika ne’ebe produs husi parlamentu nasional ho intensaun atu limita mos xefe estadu ninia desizaun balu.
Dekretu lei parlamentu nasional númeru 63 bara lima, tribunal rekursu pronunsia inkonstitusional iha loron rua nulu resin haat fulan juñu, foin lalais ne’e.
(Nono/Alau)
