Dili – Ministériu saúde atende ema ne’ebé trata sertifikadu vasinasaun kontra covid-19, kada loron, liu atus rua.
Diretora jerál prestasaun servisu ministériu saúde, Odete Viegas hateten, kada loron gabinete atende pessoal sira ne’ebé trata sertifikadu ne’e, liu atus rua ba leten.
Nia afirma, maioria husi númeru ne’ebé sira simu, okupa husi joven sira ne’ebé atu ba servisu iha rai liur.
Dadaun ne’e, nasaun barak nia aeroportu hahú loke ona, tamba ne’e nia enkoraja ema hotu atu simu vasina doze reforsu, nune’e asesu ba nasaun seluk.
Tuir dadus, kobertura vasina kompleta doze dahuluk iha territóriu nasionál, to’o iha loron sanulu resin sia fulan ne’e, hamutuk pursentu ualu nulu resin hitu pontu ida.
Doze da ruak atinje pursentu hitu nulu resin lima pontu sia, la konta ho doze reforsu.
(Sergio/Siso)
