Dili – Ministeriu justisa sei harii komisaun konjunta ida, hodi kontrola no halo averiguasaun ka pergunta ba arendamentu rai no uma estadu.
Ministru justisa Tiago Amaral Sarmento hateten, komisaun konjunta ne’e, kompostu husi ministeriu justisa, komisaun anti korupsaun, imigrasaun, serve inklui sefofe.
Governante ne’e hateten, tuir relatoriu ne’ebe gabinete inspesaun auditoria ministeru justisa relata, arendatoriu hamutuk 85 mak la kumpre dever tuir kontratu ne’ebe selbra ona ho governu.
Tamba, iha relatoriu gabinete inspesaun auditoria identifika mos arendatoriu balun hela iha rai estadu maibe la selu ba estadu no arendatoriu balun mos selebra kontratu arendamentu ho estadu maibe fo aluga tutan ba ema seluk ho folin ne’ebe boot.
Komisariu komisaun anti korrupsaun-KAK, sergio hornai konfirma, kak nia involvimentu iha komisaun konjunta ne’e maka atu asegura aktus ne’ebe governu halo nune’e ministeriu justisa bele halo implementasaun tuir tramitasaun legal ne’ebe halo ona.
Komisaun konjunta ne’, sei hari’i, iha fulan setembru tinan ne’e, hodi halo kontrolu diak liu tan ba arendamentu rai no uma estadu ne’ebe kompainia balun aluga.
(juvenal/siso)
