Dili – Governu gasta ona miliaun ida resin hodi halo transferensia pasientes veteranus ba malásia.
Dados ne’e relata husi ministru asuntu kombatentes libertasaun nasional Julio Sarmento Meta Malik, hafoin enkontru ho ekipa médikus husi Malásia, tersa feira ohin.
Julio Meta Malik informa, tempu badak governu sei lori médikus espesialistas husi malasia mai halo tratamentu ba pasientes hotu iha Timor-Leste.
Meta Malik hateten, doutor husi Malasia aprezenta katak, pasientes Timoroan maioria halo tratamentu ba moras ran midar, fuan no tensaun.
Antes ne’e, governu Timor-Leste halo ona koperasaun ho nasaun Indonesia no Malasia hodi transfere pasientes veteranus ba halo tratamentu saude.
Dadaun ne’e governu Timor-Leste instala ona klinika veteranus iha hospital nasional Guido Valadares hodi halo tratamentu ba veteranus sira neebe mak sofre moras.
(Ancha/Alau)
