Dili – Komponente naval iha ona kapitaun ró, sanulu resin hát hodi halo operasaun ró iha tasi laran.
Komandante komponente naval, kapitaun de mar e guerra Higino Das Neves konfirma, kapitaun ró hirak ne’e hasai ona kursu fulan neen iha nasaun Xina.
Tamba ne’e, komponente naval preparadu, atu opera ró guardian klass rua, ne’ebe Australia sei oferese iha tinan 2023, hodi kombate peska ilegais iha Tasi Timor.
Kapitaun de mar e guerra, Higino Das Neves argumenta, komponente naval iha ona ró lansa rapidu ki’ik neen, no ró patruilamentu rua ne’ebe iha hela faze manutensaun.
Antes ne’e, kapitaun ró, nain lima husi komponente naval ajuda operasaun ró berlin ramelau hodi halao operasaun Dili Oecusse no Dili Atauro.
(Juvenal/Alau)
