Magazine RádiuNotisiasTetum

KM Aprova Osan Emprestismu


Dili – governu sei empresta tan osan millaun atus ida ruanulu resin ida husi banku mundial hodi konstrui projetu fornesimentu bee moos iha Dili.

Konsellu ministrus fo ona autorizasaun ba ministru finansas, Rui Augusto Gomes, hodi selebra akordu finansiamentu ho banku mundiál asosiasaun internasionál dezenvolvimentu.

Portavoz governu ministru presidencia konselu ministru, Fidelis Leite Magalens esplika, akordu ida-ne’e ho objetivu atu halo kontratasaun empréstimu ida ho períodu maturidade tinan 40 hodi finansia projetu fornesimentu bee moos iha Dili.

Programa ne’e sei dezenvolve, liuhusi finansiamentu ho durasaun tinan hitu no komponente tolu, komponente primeiru dezenvolvimentu infraestrutura sira no abastesimentu bee nian.

Komponente segundu hadi’a kapasidade institusionál servisu, enquanto komponente dala tolu hadi’a jestaun projetu sira.

Foin lalais ne’e, governu Timor-Leste empresta ona osan dolar amerikanu milaun hitu nulu, husi banco nacional aziátiku no parseiro ajensia koreanu-jica, hodi finansia dezenvolvimento rai laran, no progresu implementasaun emprestimu ne’e atinji ona pursentu tolu nulu resin.

(Domingos/Manuel/Siso)

Show More

Related Articles

Leave a Reply

Your email address will not be published.

Back to top button
error: !