Magazine RádiuNotisiasTetum

KAK Konstitui Arguidu 344 Maioria Kazu Korupsaun


Dili – Komisaun anti korupsaun konstitui arguidu atus tolu, hatnolu resin hat, maioria kazu korupsaun, durante tinan hat.

Komisáriu KAK, Sérgio Hornai hateten, durante mandatu husi tinan 2019 to’o 2022, konsege konstitui arguidu na’in atus tolu, hatnolu resin hat, tanba deskonfia envolve iha kazu partisipasaun ekonómiku ho natureza korrupsaun, abuju poder no pekulatu de uzu.

Alende ne’e, KAK mós konsege trava osan estadu besik millaun hitu husi aktu krime ne’ebé sidadaun balun komete.

Komisáriu ne’e rekoñese, maske falta ekipamentu no rekursu umanu, maibé la sai sasukat ba servisu órgaun kriminál iha Timor-Leste.

Enkuantu, Sergio Haronai eleitu husi parlamentu nasionál nu’udar komisáriu kak iha tinan 2019 no termina iha loron 20, fulan-agostu, tinan 2022.

Iha konselhu ministro kuarta feira foin lalais ne’e, governu aprova hodi nomeia sidadaun Jose Da Costa Ximenes substitui komisario KAK Sergio Hornai, maibe desizaun ikus sei hili husi deputado sira liu husi votasaun secreta.

(Sergio/Siso)

Show More

Related Articles

Back to top button
error: !