Dili – Jurista lamenta inkapasidade autoridade seguransa polisia sientifika kriminal-PSIK ho ministeriu publiku ne’ebe halo buska no aprensaun ilegal ba arguidu LM nia residensia.
Jurista Sergio Quintas hateten, bainhira PCIC iha evidensia no provas hodi deskonfia arguidu LM rai armas iha nia uma, tenke husu mandadu ba tribunal hafoin halo buska no aprensaun.
Maibé, realidade PCIC la kumpre regras hirak ne’e hodi halo buska no aprensaun ho ilegamente ba arguidu LM nia resindensia.
Nia, konsidera atuasaun ne’ebe PCIC halo hasoru arguidu LM ne’e la tama iha kazu flagrante delito iha artigu 56 alinea A, kodigu prosesu penal.
Jurista Timoroan ne’e mos konsidera detensaun ne’ebe PCIC halo hasoru arguidu LM ne’e ilegal, tamba laiha mandadu judisial.
Sergio Paulo Dias Quintas konsidera, buska no aprendaun ne’ebe PCIC halo ba arguidu nia residensia iha oras tuku ida madrugada ne’e ilegal, tamba lei autoriza deit bainhira halo buska no aprensaun, hahu husi oras tuku neen dader to’o tuku ualu kalan.
Foin lalais, ekipa konjunta halo buska ba rezidensia eis komisáriu PNTL LM nia rezidénsia iha aldeia trans, suku Vatuboro, postu Maubara, no konsege identifika kilat lolon tolu ho markam16, j3, pistola glock 19 ida, inklui rama automátika ida no munisoens.
(Juvenal/Siso)
