Dili – Sua Eminéncia Virgílio Cardeal Do Carmo Da Silva apela ba dirijente organizasaun arte marsiál, promove diálogu hodi kontribui ba paz no estabilidade.
Sua Eminéncia Virgílio Cardeal Do Carmo Da Silva, hato’o apelu ne’e iha nia omília misa agradesimentu ba kardeal dahuluk ne’ebé halao, iha uma adat tasi tolu Dili, tersa-feira horiseik.
Cardeal Timoroan ne’e apela ba lider grupu arte marsiál sira ne’ebé governu reativa ona, atu hanorin membru sira respeita malu, haburas kultura dame no prioritiza diálogu hanesan dalan úniku atu rezolve problema.
Prezidente komisaun reguladora arte marsiais, Octavio Da Conceisaun hateten, semana oin komisaun reguladora arte marsiais-KRAM sei bolu lider PSHT no 77 hodi husu justifikasaun ba konflitu nebe envolve husi organizasaun rua, to balu lakon vida.
(Domingos/Ansa/Siso)
