Dili – Governu autoriza no aprova regra ba empeñamentu operasionál konjuntu F-FDTL No PNTL.
Proposta ne’e, aprezenta husi husi ministru interiór Taur Matan Ruak no ministru defeza ein ezersísiu, Fidelis Manuel Leite Magalhães ne’ebe hetan aprovasaun iha reniaun konselu ministru kuarta-feira ne’e.
Ministru defeza ein ezersísiu, Fidelis Leite Magalhães hateten, empeñamentu operasionál konjuntu entre F-FDTL no PNTL, liu husi operasaun patrullamentu ba territóriu nasionál tomak no vijilánsia espesiál atu kontrolu ba fatin hotu-hotu.
Rezolusaun governu, tama ona vigór husi data asinatura no termina iha tuku 23 minutu 59, husi loron 13 fulan setembru tinan 2022, ne’ebé bele renova karik mosu tan problema.
(Domingos/Siso)
