Dili – Delegados atus sia rua nulu resin lima, husi munisipio 12 inklui RAEOA partisipa kongresu FRETILIN hodi hili lideransa partido foun ba periodo tinan lima.
Kongrseu FRETILIN ba dalima ne’e, realiza iha centro convensaun Dili durante loron tolu ho tema lori naroman ba povo.
Iha deskursu, presidenti partido FRETILIN Francisco Guterres hateten, kongresu partido ne’e importante hodi hadia estatutu no hili estrutura foun lidera partido iha futuru ho diak.
Iha parte seluk, xefe governu Taur Matan Ruak konsidera, partido FRETILIN hanesan partido historiku ba libertasaun patria, tamba ne’e lideransa nebe atu asume kna’ar ba estrutura partido presija luan hodi dezemvolve ba oin ho diak liu.
Iha kongresu nasional partido FRETILIN ba dalima ne’e hetan observasaun husi observador nasional no internasional inklui orgaun eleitoral sira hanesan STAE no CNE.
Iha loron dahuluk kongressu, kogresista sira hahu ho giaun partidu FRETILIN, hafoin kontinua ho revizaun estatuto no ikus hili estrutura foun ba priodo 2022-2027.
(Alau/Siso)
