Dili – Familia sira hetan ona saudozu David Alex no Francisco Borja Da Costa nia restus mortais, iha Bidau Santa-Ana no Largo Lecidere Dili.
Sekretáriu estadu assunto kombatentes libertasaun nasional Júlio Da Conçeição Loro Mesak hateten, oan mane no familia aprezenta ona, ba xefe governu Taur Matan Ruak, kona-ba soudozo nia ruin, komandante David Alex daitula hetan ona.
Saudozu David Alex Daitula lakon iha loron 25 fulan-juñu tinan 1997, iha suku caibada, aldeia Wani-Uma, postu administrativu Baucau Vila, bainhira militár Indonézia halo operasaun konjunta ne’ebe envolve husi membru kodim ho militár kopasus.
Iha parte seluk, loro mesak relata mos kona-ba, restus mortais saudozu Francisco Borja Da Costa, nebe familia desidi atu halo’ot iha postu administrativu Fatuberliu municipiu Manufahi tanba nia rate familia sira prepara ona.
Francisco Borja Da Costa nudar poeta ida no hakerek hino nasional, Patria-Patria, moris iha Fatuberlihu, iha loron 14 fulan outobru, tinan 1946 no mate ho idade 29 tanba oho husi tropa parakedista, bainhira Timor-Leste hetan invazaun husi tropa Indonesia iha loron 7 fulan dezembru 1975.
Iha Domingo foin lalais, fámilia halo ritual, hodi rekolla restus mortais saudozu Francisco Borja Da Costa, iha Largo Lecidere Díli.
Alem de ne’e, governu sei haloot restus mortais 68 iha munisipíu Aileu iha loron 25 fulan agostu tinan nee.
(Domingos/Ansa/Siso)
