Dili – Dom Virgilio Do Carmo Da Silva sei ofisialija sai cardeal, iha vatikanu.
Ceremonia investidura ne’e, sei realija iha loron rua nulu resin hitu fulan agostu tinan ne’e.
Chanceler arkidioseze Dili, padre Paulus Maya informa, dau-daun ne’e dom Virgilio iha hela prosesu prepaparasaun espiritualmente no fizikamente, hodi hein ninia investidura ba cardeal.
Padre Paulus Maya hateten, dau-daun ne’e seidauk iha kandidatu ruma atu troka kargu arsebispu metropolita Dili, nune’e nafatin asume husi Dom Virgilio.
Iha meadu fulan juñu, parlamentu nasional entrega ona resolusaun kongratulasaun Dom Virgilio Do Carmo Da Silva, hafoin nomeadu sai cardeal dahuluk iha Timor-Leste.
(Bitu/Siso)
