Dili – Unidade banku de sangue óspital nasional rekolla tan pakote ran, lima-nolu husi funsionariu banku mandiri.
Xefe departamentu banku de sangue, Januariu Da Crus hateten, pakote ran hirak ne’e, iha tipu ran A, B, AB no O, hodi fasilita ba pasientes hirak ne’ebe presiza ran iha óspital nasional no referal sira.
Dadaun ne’e, stok ran iha banku de sangue hamutuk pakote atus ida resin kompostu husi ran ho tipu ran A iha 25, B iha 39, AB hamutuk 30 no O ho total 23.
Enkuantu total dadus, husi fulan juño to’o jullu komunidade nebe ba oferese ran, hamutuk atus hitu sia nolu resin ualu.
(Sergio/Siso)
