Dili – Amu Abito Jose Casimiro Brites mate hafoin asidente grave ne’ebe akontese, iha area dare munisipiu Dili.
Komandante traznitu munisipiu Dili, insptero Domingos Sarmento Gama konfirma, vítima transporta kedas ba óspital maibe la konsege salva vida.
Investigador husi seksaun trafiku investigasaun munisipiu Dili mos rekolla ona informasaun husi sidadaun feto ida ne’ebe lao hamutuk ho amu refere ba Dare.
Tuir informasaun husi sidadaun feto inisial MSN katak, nia simu mensajen husi matebian, atu ba han iha area Dare, hafoin fila, mosu asidente iha dalan no rezulta amu mate.
Inspetor polisia ne’e, husu ba sidadaun sira ne’ebe hare direita asidente ne’e, bele fo informasaun ba polisia hodi hatene lolos motivu.
Asidente grave ne’e, akontese iha segunda-feira, oras tuku ualu kalan, iha area Dare postu administrativu Vera Kruz munisipiu Dili.
Motorizadas ne’ebe uza hodi hetan asidente, seksaun tranzitu munisipiu Dili asegura ona iha komandu polisia munisipiu Dili hodi reforsa investigasaun.
Maske hetan asidente, maibe motorizadas ho marka jupiter mx, la hetan estragus total.
(Juvenal/Siso)
