Dili – Ahi haan uma rua no dapur ida, iha foho ailico, munisípiu Ainaro.
Xefe suku foho Ailico Deonato De Araújo ba RTTL via telefoni relata, insendiu ne’e akontese hafoin uma na’in sai ba kuru bee moos, bainhira fila ahi lakan boot no labele hamate tamba tempu loron ne’ebé manas.
Akontesimento ne’e, akontese iha kinta feira meiodia, iha área aimerbada aldeia Ainaro kiik postu administrativu hato-udo munisípiu Ainaro.
Ekipa bombeiro husi munisípiu Ainaro konsege ba to’o iha fatin akontesimentu, maibé la konsege hamate ahi tanba ahi haan motuk ona uma komunidade sira nian.
Vítima carlona da costa núdar faluk no Cosme Da Costa ho nia família uma laran hamutuk na’in sanulu, sira nia sasán uma laran labele salva hotu, maske la rezulta mate no kanek ruma.
(Napoleão/Siso)
