Dili – Ekipa konjunta kontinua halo identifikasaun ba sidadaun ida ho inisiál PM relasiona ho kazu omesídiu iha delta Elemloi.
Segunda-feira semana ne’e, ekipa konjunta kompostu husi servisu informasaun polisi, servisu informasaun militár no departamentu investigasaun kriminal nasional asegura tan sidadaun PM iha suku Leimea, postu administrativu Atsabe, munisípiu Ermera, ne’ebé deskonfia involve iha kazu sona-mate joven, Isaac Sinarai, iha delta Elemloi.
Hafoin asegura, ekipa konjunta transporta kedas sidadaun ne’e ba departentu investigasaun kriminál nasionál hodi submete ba prosesu identifikasaun, nune’e kontinu buka tuir autór prinsipál ba kazu ne’e.
Ekipa konjunta asegura mós motorizada ho marka honda beat street ida ne’ebé sidadaun ne’e utiliza, nune’e reforsa prosesu identifiksaun.
Kazu omesídu ne’e, akontese iha loron neen, fulan -janeiru tinan ne’e, iha área delta Elemloi hodi rejulta vítima Izac Sinarai Da Costa mate fatin.
(Juvenal/Siso)
