Dili – Ekipa konjunta kaptura suspeitu lm iha área Loes, postu administrativu Maubara, tanba subar kilat proibidu lolon tolu kompleta ho munisoens.
Ekipa konjunta kompostu husi s2 polisia militar, n2 naval F-FDTL, polísia militár, polísia sientífika investigasaun kriminál, segunda-feira ohin, mais ou menus oras tuku ida ho balun oras timor-leste madrugada, kaptura suspeitu inisiál LM iha loes, postu Maubara, munisípiu Likisá.
Hafoin ne’e, ekipa konjunta halo buska ba suspeitu LM nia rezidénsia, no konsege identifika kilat lolon tolu ho marka m16, j3, pistola glock 19 ida.
Alén de ne’e, ekipa identifika mós rama automátika ida no munisoens ba kilat tolu.
Arma proibidu hirak ne’e, ekipa konjunta halo buska konsege hetan suspeitu LM subar hela iha plafon leten, nune’e ekipa konjunta foti no asegura.
Ekipa konjunta mós halo buska iha área seluk no hetan mós armas sensitivu ne’ebé na’in lolos mak suspeitu LM.
Hafoin ne’e, ekipa konjunta lori imediata kilat prendidu ba Díli hodi halo investigasaun klean.
Enquantu suspeitu LM dadaun ne’e iha ona autoridade PCIC nia liman hodi submete ba prosesu investigasaun.
(Juvenal/Siso)
