Dili – Ekipa konjunta identifika tan ema nain tolu ligadu ho kazu homesidu iha delta Elemloi, foin lalais ne’e.
Ekipa konjunta foti sidadaun hirak ne’e iha area delta satu, Komoro iha loron domingo, oras tuku sanulu resin rua meiu-dia.
Komandante polisia munisipiu Dili, superintendente xefe Natercia Eufrazia Martins konfirma, ekipa konjunta kontinua halo investigasaun ligadu ba kazu homesidu iha delta Elemloi.
Tamba ne’e, iha tempu besik komandu sei relata nia rezultadu ba publiku hodi hatene.
Enquantu, kazu tentativu homesidu iha ponte Bj Habibi PNTL sei hein kondisaun vitima nian hafoin rekoila informasaun husi vitima hodi hatene motivu lolos husi kazu ne’e.
Ekipa konjunta ne’e, kompostu husi servisu informasaun polisia, servisu informasaun military, servisu nasional intelijensia.
Kazu homesidu ne’e, akontese iha loron sexta feira madrugada semana kotuk mais ou menus oras tuku rua madrugada, hodi rejulta matebian Izac Sinarai Da Costa mate kedas iha fatin.
(Juvenal/Siso)
