Dili – Governu konsege normaliza ona atividade ekonómika iha rai laran, hafoin ultrapasa pandemia COVID-19.
Ministru prezidensia konsellu ministru Fidelis Magalhães rekoñese, iha tinan 2022 nia laran oitavu governu konstitusional hasoru dezafiu barak ne’ebe impaktu husi impase polítika no COVID-19 iha tinan kotuk.
Maibé, governu konsege konkista mos susesu sira hanesan normaliza atividade moris loro-loron no atividade ekonómika liu husi atribuisaun sesta bázika no subsídiu sira.
Governante ne’e akresenta, sé governu iha tinan oin kontinua mantein ritmu servisu iha tinan 2022, sei mellora liu tan servisu hodi normaliza situasaun sira hotu iha Timor-Leste.
Dau-daun ne’e, oitavu governu hahu atribui ona subsidiu dolar amerikanu 200 ba povu vulneraveis no funsionárius ne’ebé ho vensimento menus husi dolar atus lima.
(Ancha/Bitu/Siso)
