Dili – Konsuladu Timor-Leste iha Australia halo hela investigasaun ba kazu baku ekipa delegasaun estadu Timor-Leste iha Darwin.
Vice ministru negosiu estranjeiru no kooperasaun, Julião Da Silva komfirma, kazu ne’e akontese iha festa natal ne’ebe organiza husi komunidade Xineza iha Darwin Australia.
Governante ne’e argumenta, prosesu hotu hein ba rezultadu investigasaun ne’ebe halo hela husi konsuladu Timor Leste iha Darwin Australia.
Relasiona ho kazu ne’e, xefe estadu Jose Ramos Horta preokupa, tanba hafoer estadu Timor Leste nia naran iha ema nia rai.
Kazu ne’e akontese, tanba deskomfia media officer vice ministru negosiu estranjeiru no kooperasaun halo pratika asedio seksual kontra labarik mane ida iha haris fatin.
(Manuel/Siso)
