Dili – Konsellu ministru aprova projetu dekretu lei hodi kria komisaun luta kontra tráfiku umanu no komisaun terras propriedade.
Projetu dekretu lei ne’e, aprezenta husi ministru justisa Tiago Amaral Sarmento ba alterasaun datoluk dekretu lei númeru 10 barra 2019, ne’ebé altera husi dekretu lei númeru 46 barra 2020 no númeru 10 barra 2020, hodi aprova orgánika ministériu justisa no alterasaun dahuluk ba dekretu lei númeru 9 barra 2021.
Ministru prezidensia konsellu ministru Fidelis Magalhães garante, ministeriu justisa sei funsiona ho diak, adaptasaun ho estrutura no diploma sira ne’ebe kria komisaun ba luta kontra tráfiku umanu no komisaun terras propriedade.
Konsellu ministru aprova mos projetu dekretu governu ba alterasaun dahuluk dekretu governu númeru 13 barra 2022 ba ezekusaun orsamentu jerál estadu tinan 2022.
(Bitu/Siso)
