Dili – Komandu jeral PNTL hasai ona diretiva operasaun ba komandante munisipiu sira hodi prepara planu operasaun ba natal ho tinan foun.
Diretiva operasaun ne’e, fó sai ona, liu husi konferensia imprensa, iha quarta-feira semana ne’e.
Portavoz komandu jeral PNTL superintendente xefe Arnaldo De Araujo husu ba sidadaun hotu, atu koopera ho autoridade seguransa, garante festa natal ho tinan foun lao iha paz no estabilidade nia laran.
Segundu komandante polisia munisipiu Dili, superintendente polisia João Sancho Pires garante, sei koloka efektivu ho máximu hodi asegura seguranca iha igreja sira.
Diretiva operasaun ne’e, bandu mos sidadaun sira atu sunu fogetes arbiru maibé comando autorija deit atu sunu fugetes iha loron natal ho tinan foun.
Komandu PNTL husu mos ba komunidade sira ne’ebe festeza natal ho tinan foun iha munisipiu, atu kontrola kondisaun transporte no halai ho velosidade neneik hodi evita asidente durante halao viajem.
(Juvenal/Siso)
