Dili – Ministra saúde diskute medida planeamentu familiar, kombate númeru abortu no mortalidade inan ho reprezentante organizasaun mundial saude sudeste aziátiku.
Ministra saúde, Odete Freitas Belo ho representante organizasaun mundial saúde-oms husi nasaun 11 fahe esperensia konaba programa planeamentu familiar, kombate númeru abortus no mortalidade inan iha hotel novu turizmu.
Odete Freitas Belo hateten, diskusaun rejional ne’e hodi hatene importansia husi planeamentu famíliar no reforsa esforsu kombate númeru abortu no mortalidade inan iha Timor Leste.
Reprezentate organizasaun mundial saude, Arvind Mathur konsidera, experensia husi nasaun sleuk sai referensia hodi garante planemanetu familiar neebe diak.
Enkontru rejional organizasaun mundial saude, partisipa husi nasaun Nepal, Bhutan, Índia, sri-lanka, Indonezia no Timor Leste.
Antes ne’e, prezidente repúblika José Ramos Horta deklara, planeamentu familiar importante tanba nudar alternativa ba familia hodi redus númeru mortalidade inan no oan.
(Sergio/Siso)
