Dili – Organizasaun mundial saude husu ministeriu saude halao advokasia no sosializa klean ba programa planeamentu familiar, iha Timor Leste.
Pedidu ne’e, hato’o husi, reprezentate organizasaun mundial saude, Arvin Mathur, iha enkontu rejional sudeste aziatiku organizasaun mundial, ne’ebe partisipa husi nasaun sanulu resin ida.
Arvin Mathur afirma, sorumutu ne’e, diskute kona-ba asuntu planeamentu familiar, kombate númeru mortalidade inan no bebe, iha rai laran too nivel rejional.
Ministra saúde, Odete Maria Freitas Belo afirma, ministeriu implementa ona progrma balun ne’ebe relevante ho asuntu planementu familiar nian, no kombate númeru mortalidade ba inan no bebe.
Enkontru rejional organizasaun mundial saúde, sudeste aziatiku ne’e, konta ho partisipasaun husi nasaun Nepal, Butan, India, Sri-lanka, Indonezia maibé Mianmar no Korea do Sul la marka prezensa.
(Sergio/Siso)
