Dili – Asosiasaun eis prizoneirus politikus Timor-Leste kritika prezidente parlamentu nasional ne’ebe orienta PNTL kaptura manifestantes.
Iha debate orsamentu geral estadu, prezidente parlamentu nasional Aniceto Guterres, hasai deklarasaun hodi autoriza membru PNTL kaptura manifestantes sira tanba la aseita ho liafuan naokten no kanten.
Porta voz assepol Martinho Pereira konsidera, termu naukten no kanten hanesan termu politiku ne’ebe estudante sira koloka no husu atu deputadu sira labele alerjia.
Assepol considera, detensaun ba sidadaun Timorense, hanesan traisaun ba aswain no martir libertasaun nasional nia prinsipiu, katak sosiedade livre no demokratiku.
Too agora assepol seidauk simu resposta husi prezidente parlamentu nasional aniceto guterres ba nota kritika ne’ebe assepol hatoo.
Entretantu, antes ne’e PNTL kaptura manifestante aliansa maubere nasional nain 28, tanba hetan orientasaun husi prezidente parlamentu nasional.
(Manuel/Siso)
