Dili – Parlamentu nasional konklui ona diskusaun orsamentu ba linhas ministeriais iha especialidade.
Tuir kalendario diskusaun iha espesialidade parlamentu nasional sei konklui debate espesialidade iha loron 18 fulan novembro tinan ne’e hodi kontinua ba final gobal.
Tamba ne’e, diskusaun iha espesialidade ba orsamentu geral estado tinan 2023 tama ona loron lima, deputado sira konsegue aprova ona osan ba linhas ministeriais sira.
Iha loron rua ikus parlamentu nasional sei kontinua debate espesialidade orsamentu ba instituisaun independente sira no institutu publiku sira nia orsamentu.
Tuir ajenda bainhira parlamentu nasional aprova iha final global sei submete hikas ba komisaun finansas publika hodi halo redasaun final, hafoin entrega ba presidente republika iha loron 21 fulan novembro tinan 2022.
Tuir tetu orsamentu geral estado nebe governu apresenta ba parlamentu nasional ho montante hamutuk bilaun tolu pontu ida nebe sei aloka biliaun ida ba fundo veteranos no biliaun rua resin aloka ba ministerio sira.
(Alau/Siso)
